Vrasja e gjyqtarit Astrit Kalaja në ambientet e Gjykatës së Apelit në Tiranë Elvis Shkambi tronditi opinion publik. Autori i ngjarjes pasi ka qëlluar gjyqtarin, qëlloi edhe ndaj 2 personave nga pala kundërshtare që ka bërë edhe padinë në Apel, babë e bir, Ragip Kurtaj 65 vjeç dhe Ervis Kurta, 45 vjeç.
Dy të fundit mbetën të plagosur dhe po marrin trajtim mjekësor. Në lidhje me gjendjen shëndëtsore të të plagosurve ka folur në emisionin “Opinion” gazetarja Glidona Daci.
Gazetarja, referuar të dhënave nga spitali, tha se gjendja shëndetësore e të plagosurve është e stabilizuar.
“E.K ka një plagë në dorë dhe nuk ka qenë në rrezik për jetën. Ndërsa babai i tij i është nënshtruar një ndërhyrjeje kirurgjikale, por është jashtë rrezikut për jetën,” u shpreh ajo.
Gazetarja foli edhe për momentet e para të ngjarjes së rëndë, duke theksuar se kaosin që mbizotëroi në momentet e para të pas të shtënave.
“Në momentet e para ka qenë një kaos sepse nuk dihej çfarë po ndodhte, sa persona kanë qenë të plagosur. Sepse fillimisht u tha se gjyqtari ishte plagosur, nuk dihej se kishte humbur jetën.”, tha Daci.
