Politikanët shqiptarë kanë reaguar për sulmin terrorist në Mynyh ku humbën jetën 9 persona dhe u plagosën 16 të tjerë, ndërsa mes viktimave ishin edhe tre shqiptarë nga Kosova.
Reagimi i Ramës:
Trishtim i thellë për jetët e humbura në sulmin barbar të Mynihut mes të cilave edhe jetë shqiptarësh! Solidaritet me Gjermaninë mike.
Reagimi i Metës:
Kryetari i Kuvendit, Meta ka shprehur hidhërimin për jetët e humbura në Mynih dhe solidarizohet me Gjermaninë. “Ndaj dhimbjen për jetët e humbura ne Mynih. Terrorizmi goditi përsëri. Lufta ndaj së keqes duhet të na bashkojë më shumë. Solidaritet me familjet që humbën të dashurit e tyre. Solidaritet me autoritetet gjermane dhe kancelaren Merkel. Koha të reflektojmë dhe veprojmë si një bashkësi e së mirës ndaj së keqes. Ngushëllimet më të sinqerta familjeve shqiptare që humben të afërmit nga ky akt barbar.
Reagimi Bashës:
Jam i tronditur nga akti i verbër, çnjerëzor i të premtes në Mynih të Gjermanisë ku mes viktimave të pafajshme që kanë humbur jetën janë tre të rinj shqiptarë. Sabina Sulaj, Armela Segashi dhe Diamant Zabergja humbën jetën nga ky akt barbar. Ngushëllimet më të thella familjeve Sulaj, Segashi dhe Zabergja. Këtë moment të rëndë hidhërimi dhe dhimbje kombëtare jemi me zemër dhe mendje pranë tyre, të bashkuar për ta përballuar dhimbjen e madhe.
Reagimi Nishanit:
I nderuar Zoti President,
Aktet e djeshme ekstremiste dhe kriminale terroriste në Mynih, ku humbën jetën shumë qytetarë të pafajshëm dhe shumë të tjerë u lënduan, mes të cilëve edhe disa me kombësi shqiptare, më tronditën shumë. Me trishtim të thellë u shpreh ngushëllimet më të ndjera familjarëve dhe të afërme të viktimave. Të lënduarve u uroj shërim sa më të shpejtë!
I dënoj me forcën më të madhe këto akte të nxitura nga organizata terroriste e që përmes radikalizimit të të rinjve apo njerëzve në dëshpërim, kërkojnë të terrorizojnë qytetarët tanë e të ndjellin frikë e panik në jetën e tyre të përditshme.
Në këto momente tronditjeje dhe dhimbjeje për Gjermaninë, unë dhe populli shqiptar jemi me familjarët e viktimave dhe të lënduarve, me Ju dhe me popullin gjerman
