Një shqiptar në Angli dyshohet për vrasjen dhe zhdukjen e një çifti, në Suffolk. Sipas policisë, 42-vjeçari, Ali Qazimaj është i dyshuari kryesor i ngjarjes.
Trupi i Peter Stuart, 75 vjeç u gjet në oborrin e shtëpisë së tij natën e së premtes, ndërsa gruaja tij është ende e zhdukur.
Policia mban në paraburgim edhe djalin e çiftit Steve Paxman, si i dyshuar për ngjarjen.
Steve dhe Ali kanë qenë shokë, thonë mediat vendase. Makina e Ali Qazimaj, 42 vjeç, i dyshuar si autor i masakrës është gjendur në zonën Thurrock, afër shtëpisë së pensionistëve, natën e së dielës.
Burimet e policisë kanë thënë se Peter Stuart ka vdekur menjëherë pas plagëve të shumta me thikë, dhe se po kërkohet për të gjetur armën e krimit.
Shefi i detektivëve Simon Parkes ka thënë: “ Shpresat tona për të gjetur Silvian janë zvogëluar me kalimin e kohës, por mbetet mundësia që ajo të jetë gjallë”. Ai ka shtuar se Ali Qazimaj besohet të jetë në një nga vendet e Ish-Jugosllavisë dhe se policia për këtë arsye po punon me Interpol, për të marrë informacion rreth tij.
Ndërkohe, policia ka kontrolluar makinën e 42-vjeçarit me shpresën për të gjetur ndonjë gjurmë të Silvias. “ Ali Qazimaj do të mbetet në hetim për sa kohë që prioriteti ynë vazhdon të jetë në gjetjen e Silvias. Prandaj në do të marrim në pyetje Ali Qazimaj, për të zbuluar detaje që kanë lidhje me ngjarjen”, tha detektivi.
