Një masakër e vertetë është shënuar në Australinë Perëndimore në zonën rurale të Osmingtonit. Mëngjesin e sotëm janë gjetur të vrarë me armë zjarri 7 persona. Viktimat janë Katrina Miles me 4 fëmijët e saj autik, 3 djem dhe një vajzë. Ata u gjetën pajetë brenda ambienteve të shtëpisë, ndërsa dy trupa të tjerë të pajetë (ende pa identifikuar) u gjetën në oborrin e fermës.
Mediat australiane raportojnë se kjo është ngjarja më e rëndë e 20 viteve të fundit dhe ende nuk ka një autor të dyshuar, apo të arrestuar. Fëmijët e moshës nga 8-13 vjeç ishin autik, kanë thënë fqinjët, por shumë të qetë dhe të dashur. “Nëna e tyre punonte shumë për ti edukuar dhe u kishte marrë mësues privat në shtëpi. Ajo ishte një grua e përkushtuar, e dashur, që punonte në zejtari dhe bujqësi. Katrina jetonte këtu me dy prindërit e saj të moshuar”, kanë treguar fqinjët.
Policia është njohur në orët e para të ditës së sotme dhe kur ka mbërritur është ballafaquar me pamjet horror të vrasjes së 4 fëmijëve dhe 3 personave të rritur. Nuk dihet ende është vrasje dhe autori është larguar apo dikush nga viktimat ka kryer vrasjet dhe më pas ka vrarë veten.
Ferma ku ndodhi krimi është në pronësi të Cynda dhe Peter Miles (prindërit e Katrinës), raporton Daily Mail Australia. Një person në rrjetet sociale që njihte familjen shkruan: “Njerëz të mirë e të bukur, por ish-burri ishte i çmendur”.
Chris Dawson, drejtor i policisë për rajonin tha: “Ende nuk kemi kontakt me anëtarët e tjere të familjes. Di të konfirmoj vetëm se janë 7 viktima, 3 të rritur dhe 4 fëmijë. Kjo tragjedi është shkatërruese po punojnë për ta zbardhur ngjarjen”.
Ngjarja e tmerrshme ka ndodhur në një zonë tejet të qetë, ku nuk ka patur asnjëherë ngjarje të kësaj natyre, në provincën Osmington, 12 milje nga vend i famshëm i pushimeve pranë lumit Margaret. /Opinion.al
