Drejtori i Drejtorisë Vendore të Policisë Vlorë Kryekomisar Gentian Berberi, gjatë një deklarate për mediat ku dha detaje për operacionin e koduar “Storage”, në kuadër të së cilit janë vënë në pranga burrë e grua nga Saranda për medikamente kontrabandë, është pyetur edhe në lidhje me aksionet e fundit policore në Vlorë dhe nëse këto aksione kanë lidhje me të shumëkërkuarin e policisë Ervis Martinaj.
I pyetur nga gazetarët nëse Martinaj ka qëndruar në Vlorë para se të zhdukej, Berberi nuk dha detaje por tha se kontrollet do vijojnë edhe në javët në vijim ne lidhje me procedimet qe kane ngritur skuadrat e hetimit.
“E vërtetë që FNSH ka qenë prezent ne qytetin e Vlorës. Ka një plan të detajuar nga shërbimet e policisë, e kemi pasur dhe mbështetjen e tyre. Këto kontrolle do vijojnë e në javët në vijim ne lidhje me procedimet qe kane ngritur skuadrat e hetimit. Është një çështje që nuk i përket qarkut të Vlorës”, tha Berberi.
