Pranvera nis me reshje. Sipas parashikimeve të meteorologëve e shtuna dhe e diela do të jenë me mot të paqëndrueshëm.
“Edhe pse ne zyrtarisht gjatë kësaj fundjave futemi në stinën e pranverës, do të mbetemi edhe në fundjavë ende në nuancat e dimrit. Do kemi reshje, si fillim në veri dhe gradualisht do përfshijnë të gjithë territorin. Parashikohet në fakt që e shtuna dhe e diela, edhe pse do të mbeten të paqëndrueshme, ditën e shtunë do të jenë reshje shumë të pakta dhe reshje të izoluara”, tha Lajda Porja.
Sipas parashikimeve të sinoptikanëve edhe temperaturat do të pësojnë ulje të lehtë.
“Freskohet moti të shtunën dhe të dielën. Të shtunën ka një rënie të lehtë, ndërkohë një rënie më e theksuar ditën e dielë. Do të ketë zona që do të jetë 0 gradë. Disa zona edhe -2 gradë. Do kemi rikthimin e ngricave në akset rrugore dhe rikthimin e reshjeve të dëborës, edhe pse të pakta. Megjithatë, mund të themi që temperaturat maksimale, përgjatë fundjavës, pra të shtunës dhe të dielës do të jenë rreth vlerës 13 apo 14 gradë”, tha Porja.
Marsi parashikohet të jetë një muaj i lagësht, pasi do të ketë disa episode, me reshje shiu.
Klan News
