Kryeministri Edi Rama e ka cilësuare tejet të rëndësishme marrëveshjen e partneritetit për sigurinë dhe mbrojtjen me BE, të firmosur të mërkurën në Bruksel.
Në fjalën e mbajtur pas nënshkrimit të marrëveshjes, Rama u shpreh se lidhja e Shqipërisë me BE është e pandashme.
“Është një ditë e gjatë dhe ditë e rëndësishme për ne sepse kemi edhe samitin vjetor me BE. Ndërkohë u zgjuam me ndjesë të këndshme sepse kemi hapur një tjetër grup kapitujsh. Është një moment shumë i mirë, por dua të shfrytëzoj këtë mundësi për t’ju uruar për këtë emërim. Ndihemi të privilegjuar sepse kemi kaluar një rrugë të gjatë. E dini çfarë do të thotë të lindësh dhe të rritesh në diktaturë, pastaj të luftosh për lirinë, më pas të luftosh për të ndërtuar demokracinë dhe zhvilluar shoqërinë.
Kjo marrëveshje është e rëndësishme, sepse është një shenjë që lidhja jonë është e pandashme dhe që duhet të bëjmë më të mirën për ta forcuar çdo ditë e më shumë.
Shpreh falënderimet për BE, për të gjithë ata që ne emër të BE po punojnë për të shtyrë përpara këtë agjendë të ribashkimit të plotë të Evropës”,-tha Rama.
