Presidenti i Republikës, Ilir Meta ka përshëndetur marrëveshjen mes VV dhe LDK për bashkëqeverisjen e Kosovës.
Në një status në Facebook, Meta uron qeverinë e re dhe thekson se qeverisja e qëndrueshme është në interes të gjithë rajonit
“Përshëndes ngrohtësisht arritjen e marrëveshjes për bashkëqeverisje të Lëvizjes Vetëvendosja (LVV) dhe Lidhjes Demokratike të Kosovës (LDK) si dy parti fituese të zgjedhjeve të përgjithshme të 6 tetorit 2019 në Kosovë.
Një qeverisje e qëndrueshme është në interes, jo vetëm të Kosovës, por edhe të gjithë rajonit.
Qeverisë së Kosovës të drejtuar nga z.Albin Kurti i uroj suksese dhe arritje sa më të mëdha në të mirë të Kosovës në sfidat që e presin”, shkruan Presidenti, Meta.
Më herët, Albin Kurit dhe Isa Mustafa njoftuan nënshkrimin e marrëveshjes mes partive që ata drejtojnë.
Lexo edhe: “Kemi nënshkruar marrëveshjen”, VV dhe LDK i japin Kosovës qeverinë e re
Miratimi në Kuvend i qeverisë së re të Kosovës pritet të ndodhë ditën e nesërme në seancën plenare. /Opinion.al
