Punimet për ndërtimin e kampit në Gjadër kanë nisur këtë të premte, pas marrëveshjes së Italisë dhe Shqipërisë për emigrantët.
Punimet janë në fazën e parë, ku po punohet fillimisht me shtrimin e rrugës nga Kakarriqi drejt Gjadrit.
Zbarkimi i refugjatëve do të bëhet fillimisht në portin e Shëngjinit ku do të krijohet një qendër pritëse për ta dhe më pas do të dërgohen në Gjadër aty ku do të stresohen.
Po ashtu po ndërtohet dhe një mur rrethues disa metra i lartë dhe këto punime pritet të përfundojnë para majit kur është dhe koha që pritet të vine refugjatet, ndërkaq në Shëngjin ende nuk ka nisur punimet për qendrën pritëse ku në bazë të informacioneve pritet të nisë gjatë këtyre ditëve.
Kampi do të ndërtohet dhe drejtohet nga qeveria italiane. 16.5 milionë Euro është shuma fillestare që do të japë Roma si rimbursim për vitin e parë të aplikimit të marrëveshjes.
Ligji autorizon shpenzime për vitin 2024 për ngritjen e strukturave të nevojshme, që arrijnë në rreth 47.7 milionë Euro. Është krijuar një fond prej 89.1 milionë Euro për këtë vit dhe 118.5 milionë Euro për secilin nga vitet 2025-2028.
