Politikani Gert Bogdani është shprehur kundër marrëveshjes së Shqipërisë dhe Italisë për të marrë emigrantët në vendin tonë.
Në emisionin “Opinion”, Bogdani tha se kjo marrëveshje është në kundërshtim të plotë me ligjet e Bashkimit Europian.
Sipas tij, shifra reale e emigrantëve nuk është 3 mijë apo 36 mijë, por 1 milionë emigrantë. Bogdani tha se në javët dhe muajt në vijim pritet që kjo shifër emigrantësh të mbërrijë në të gjithë Europën.
Gert Bogdani: Siç e tha zoti Gogu, një qendër në Shqipëri nuk i ndihmon ato 3000 qendra në Itali. Atëherë, pse? Sepse ka një shifër që qarkullon sot në Bashkimin Europian dhe nuk bëhet fjalë as për 3000, as për 36 mijë. Bëhet fjalë për 1 milionë emigrantë në javët dhe muajt në vijim.
Blendi Fevziu: Ku, në Shqipëri?
Gert Bogdani: Në gjithë Europën. Hapin rrugët nëpërmjet Shqipërisë dhe 1 milionë emigrantët në këtë mënyrë krijon precedentin dhe prandaj Komisioni Europian ka qenë ende i paqartë, prandaj Soreca tha është më tepër politike dhe jo juridike, duhet ta vlerësojmë sepse i shkojnë për shtat kjo marrëveshje që është bërë pavarësisht se është në kundërshtim me ligjet e Bashkimit Europian. Në qoftë se e marrim, është në kundërshtim të plotë. E para, e rrëzoi gjykata. E dyta, në 2018 ke komisioneren e Punëve të Brendshme të BE, Johanson e cila refuzon kampet që do bënin në Mal të Zi për Libinë, Marokun dhe Tunizinë sepse është në kundërshtim me Bashkimin Europian.
Toni Gogu: Do i bënte cili vend i Bashkimit Europian me Malin e Zi?
Gert Bogdani: Dhe pse është shumë e qartë. Janë 1 milionë që pritet. Vetëm lufta në Rripin e Gazës, ku do shkojnë ata njerëz?
