Ministri i Brendshëm, Bledi Çuçi ka folur ditën e sotme për marrëveshjen e hapjes së pikës kufitare Shqipëri-Mali i Zi.
Gjatë fjalës së tij nga foltorja e Kuvendit, ai thotë se hapja e kësaj pike kufitare do të ketë ndikim shumë domethënë për ndërlidhjen mes Shqipërisë dhe Malit të Zi në këtë pjesë të kufirit.
Sipas tij, ngritja e pikave të përbashkëta të kalimit kufitar konsiderohet një nga nivelet më të larta të bashkëpunimit mes 2 vendeve.
Ai thotë se hapja e kësaj pike të re, do të ndikojë në efektivitetin e vijës së kontrollit kufitar përgjatë lumit Buna dhe do të vendosë më në pah vlerat turistike të ekosistemit të lumit Buna, liqenit të Shkodrës dhe traditat e banorëve.
“Ngritja e pikave të përbashkëta të kalimit kufitar konsiderohet një nga nivelet më të larta të bashkëpunimit mes 2 vendeve. Hapja e kësaj pike të re, do të ndikojë në efektivitetin e vijës së kontrollit kufitar përgjatë lumit Buna dhe do të vendosë më në pah vlerat turistike të ekosistemit të lumit Buna, liqenit të Shkodrës dhe traditat e banorëve. Të gjitha pikat kufitare në kufirin mes Malit të Zi dhe Shqipërisë, duhet të jenë të tilla. Ne po punojmë me palën malazeze për të ndryshuar statusin dhe të pikave të tjera për t’i kthyer në pika të përbashkëta. Interes për ne dhe për malazët është edhe hapja e pikës tjetër, atë të kalimit kufitar në fshatin Zogaj. I bindur se edhe me mbarimin e projektit të ndërtimit të urës mbi lumit Buna, edhe hapja e kësaj pike të re që do të jetë efektive menjëherë me inagurimin e urës së re, do të ketë një impakt domethënës për ndërlidhjen mes 2 vendeve tona në këtë pjesë të kufirit”, tha Çuçi.
Projektligji “Për ratifikimin e marrëveshjes, ndërmjet Këshillit të Ministrave te Republikës së Shqipërisë dhe Qeverisë së Malit të Zi për hapjen e pikës së përbashkët të kalimit kufitar Shën Nikolla-Pulaj për qarkullimin rrugor ndërkombëtar dhe kryerjen e veprimtarive të përbashkëta të kontrollit kufitar”, ishte një nga pikat në rendin e ditës së seancës së sotme plenare./Opinion.al
