Gjykata në Romë ka vendosur pezullimin e ndalimit të 7 emigrantëve që u sollën në Shqipëri të premten, duke dhënë urdhër që ata të largohen nga qendra e Gjadrit dhe të rikthehen sërish në Itali.
Në vendimin e gjykatës së Romës thuhet se kjo çështje i referohet Gjykatës Evropianë të Drejtësisë.
Sipas La.Repubblica, shkruhet se duke qenë se nuk ka vërtetim të arrestimeve të urdhëruara nga komisariati i policisë së Romës brenda 48 orëve të kërkuara me ligj, egjiptianët dhe Bangladeshët janë të lirë dhe duke mos qenë në gjendje të qëndrojnë në Shqipëri siç kërkohet nga protokolli i nënshkruar nga Giorgia Meloni dhe Edi Rama, prandaj do të duhet të kthehen në Itali. Ata do të kthehen në Brindisi në orët në vijim.
Për pesë prej tyre, komisionet kompetente territoriale tashmë ua kishin mohuar përkohësisht të drejtën për azil sipas procedurave të përshpejtuara kufitare, kështu që për ta seancat për ndalimin ishin në thelb të padobishme, siç shpjegoi Rosa Emanuele Lo Faro, avokate eksperte për të drejtat e të huajve dhe politikave të migracionit.
Ndërkohë që ende po vlerësohen historitë e dy emigrantëve të tjerë, për të cilët komisionet territoriale nuk kanë vendosur ende./Opinion.al
