7 milionë euro ka përfituar Berisha nga marrëveshja me CEZ. Kështu deklaroi sot Taulant Balla duke pretenduar se ka zbululuar sekserin e ish-qeverisë Berisha me kompaninë çeke CEZ. “Hetimet kanë zbuluar se shtetasi Nuel (Nue) Kalaj, miku i ngushtë i djalit të ish-kryeministrit, Shklëzen Berisha, ka marrë nga CEZ transferta bankare mbi 7 milionë euro. “Këto shuma më pas i ka tërhequr cash më 16 qershor 2009, vetëm pak ditë para zgjedhjeve të vitit 2009”- tha Balla.
Sipas Ballës, Komisioni Hetimor për privatizimin e OSSH tek CEZ sot ka administruar prova shumë të rëndësishme lidhur personin Nuel (Nue) Kalaj, “i cili sipas dëshmive të deritanishme ka qene “sekseri” i marteses se qeverise shqiptare te Sali Berishes me kompanine CEZ”.
Balla theksoi se “Komisioni po heton pse CEZ i ka bërë këto transferta tek ky individ dhe ku i ka çuar paratë cash Nue Kalaj, mik i ngushtë i djalit të Sali Berishës, Shkëlzen Berisha”.
