Kryeministri Rama ka deklaruar se tarifa e mallrave që Kosova ka vendosur ndaj Serbisë nuk duhet përdorur si qëllim.
Duke folur për marrëdhëniet Kosovë – Serbi në emisionin “Zona e Debatit” në Klan Kosova, Rama tha se meqenëse tarifa është kthyer në qëllim dhe nga kjo ka humbur Kosova.
“Çështja e Kosovës në raport me Serbinë nuk mund të zgjidhet me kërcitje dhëmbësh. Nuk mund të zgjidhet me viktimizimin e Serbisë me tarifën, sepse kjo është mjet dhe po u kthye në qëllim është skandaloze. Nuk di unë konflikt që është zgjidhur pa folur. Tarifa ishte fantastike si instrument po jo si qëllim për të bllokuar gjithë planetin. Mundësia erdhi e artë ne Berlin i tha Ramushit, 4 muaj ma jep mundësinë mua dhe kësaj (Merkeli), mos e hiq tarifën, suspendoje dhe nëse nuk ndodh gjë heq veton për vizat me Kosovën. Duke përdorur tarifën si qëllim humbi Kosova dhe fitoi Serbia.”, tha Rama.
Sa i përket “mini-shengenit” Ballkanik tha se ka besim tek ky projekt.
“Unë nuk bëj gjëra që nuk i besoj. Kur udhëheq ke edhe kostonn që ata që të ndjekin mund të mos e pëlqejnë atë që bën. Unë nuk isha hero kur shkova në Beograd dhe më pas më bën hero, isha unë. Me Serbinë bëhet edhe politikë në Kosovë dhe më nxjerrin mua para Kosovës.”, deklaroi ai. Rama shtoi sa i përket kufirit me Kosovën se nuk mund të hiqet pasi këtë gjë e pengon BE dhe SHBA dhe se kjo gjë mund të ndodhë nën marrëveshjen e “mini-shengenit”.
“Nuk na lejon njeri të heqim kufirin, as BE as Uashingtoni pasi shihet si provokacja. Kufiri hiqet nëse Kosova bie dakord me marrëveshjen”, shtoi Rama.
Kryeministri komentoi edhe deklaratën e Presidentit serb, Vuçiç në lidhje me masakrën e Reçakut.
“Skandaloz në raport me Reçakun dhe unë publikisht e thashë me zë të lartë, Serbia nuk është shkëputur nga e shkuara e saj. Unë nuk e dua paqen dhe shengenin rajonal për ti bërë nder Serbisë unë e dua për Shqipërinë, Kosovën dhe shqiptarët.”, tha Rama. /Opinion.al
