Presidenti Bajram Begaj ka folur për marrëdhëniet mes qeverisë së Kosovës dhe Shqipërisë. I pyetur se si janë marrëdhëniet mes dy qeverive, Begaj është shprehur se dy qeveritë kanë komunikime.
Presidenti pranoi që ka keqkuptime mes dy vendeve, por që mund të zgjidhen.
Blendi Fevziu: Ju e keni në një farë mënyyre edhe detyrim si kreu i shtetit në bazë të Kushtetutës së shqipërisë, atë që quhet angazhimi edhe për shqiptarët kudo që janë në botë. Padyshim që shqiptarët e Kosovës janë pjesa më tërësore e shqiptarëve jshtë kufijve të shqipërisë. A ka pasur ndonjë ofertë konkrete apo çdo gje ka qënë në kuadrin e komunikimit dhe shprehjes së gadishmërisë.
Presidenti i Republikës: Ka qënë një ofertë e cila është bërë në mënyrë konkrete, e bazuar në detyrimet kushtetuese të Presidentit të Republikës, kështu që i kam ofruar mbështetjen e Shqipërisë, në çfarëdo rrethane Kosovës.
Blendi Fevziu: Zoti President, duket se ka një ftohje në raportet midis Shqipërisë dhe Kosovës, në ditët e fundit, kjo ftohje rreflektohet në raportet personale të Kryeministrit Kurti me Kryeministrin Rama, për shumë gjëra të tjera, por një gjë është e sigurt, këtë mund ta themi, në ditët e fundit, kjo është situata më e keqe, flas ndoshta në 24 vitet e fundit së çlirimit të Kosovës, është situata më e keqe kur dy krerë të dy qeverive thuajse nuk kanë komunikim midis tyre. Nuk po them që kryeministri i Kosovës nuk priti kryeministrin e Shqipërisë gjatë, një vizite në një tur Balkanik në Prishtinë e të tjera, por në përgjithësi pët të mos u marrë me detajet ne e dimë shumë mirë që ka një ftohje. A e ndjeni edhe ju këtë ftohje?
Presidenti i Republikës: Unë nuk mendoj që është rrealisht kështu, mendoj që komunikimi është, dhe komunikimi midis dy qeverive apo dy drejtuesve të qeverive është.
Blendi Fevziu: Por praktikisht ëhtë komunikimi por duket që është një ngurtësi që sduhet të ishte në këto rrethana.
Presidenti i Republikës: Ka keqkuptime që ne si shqiptar duhet të ulemi ti zgjidhim.
Blendi Fevziu: Dhe shqiptarët pavarësisht keqkuptimeve nuk i zgjidhin asnjëherë duke u ulur.
Presidenti i Republikës: Jo patjetër që ne kemi mësuar që do ti zgjidhim gjerat që kemi brenda shtëpisë.
