Marco Mengoni është fituesi i Festivalit të Sanremos 2023. Kënga e tij “Two lives” u rendit e para ndër 28 këngët konkurrente. Vendin e dytë e zuri Lazza, të tretin Rain, të katërtin Ultimo, të pestin Tananai. Kjo është fitorja e dytë për Megonin, pas asaj të viti 2013 me L’essenziale.
Emocionet pushtuan Mengonin, ku nuk munguan as lotët. Kantautori 34-vjeçar ia kushtoi çmimin të gjitha grave, kjo për shkak se asnjë këngëtare nuk u nonimua në pesëshen finale.
“Doja t’ia kushtoja fitoren të gjitha grave që morën pjesë në festival. Këto janë fjalët e para pasi Amadeus shpalli fitoren. “Kemi arritur në finale me pesë djem dhe ndaj mendoj se është e drejtë t’ia kushtojmë artistëve që kanë sjellë pjesë të mrekullueshme në këtë skenë”, shtoi ai me çmimin në dorë dhe ende me lot në sy nga emocioni.
Ishte e gjitha një ditë me lot. Gianni Morandi u prek gjatë kujtimit të Lucio Dalla, mikut dhe shoqëruesit të aventurave të shkëlqyera muzikore, në hapjen e episodit. Madje edhe sytë e Fedez shkëlqenin kur Chiara Ferragni , bashkëprezantuesja e mbrëmjes së parë, u kthye në skenë.
“Mendoj se kam një problem të madh, mendoj se është një nga defektet e mia më të mëdha. Jam shumë i emocionuar”, tha ai për të justifikuar emocionin që e kishte ndërprerë disa herë.
Madame gjithashtu qau, duke përqafuar Amadeusin në fund të shfaqjes: “Një Festival i vështirë”. Amadeus lexoi edhe një letër e dërguar nga Presidenti ukrainas Volodymyr Zelensky.
