Maratonomaku! Pikërisht kështu e cilëson media më e madhe sportive në Gjermani “Bild”, mesfushorin me kombësi shqiptare që aktivizohet te skuadra e Freiburg, në Bundesliga II, Amir Abrashi. Mesfushori i Kombëtares Kuqezi, numëron plot 331 kilometra të përshkruara në vetëm 28 ndeshje, për të qenë i vetmi profesionit në Bundesliga II që vrapon kaq shumë. Për këtë cilësi, që e bën atë të veçantë, “Bild” e ka intervistuar futbollistin e Përfaqësueses së Shqipërisë, për ta pyetur ndër të tjera edhe në lidhje me Kampionatin Europian “Francë 2016”, ku Abrashi pritet të marrë pjesë me Shqipërinë.
Amir Abrashi është profesionisti i vetëm në Bundesliga II që vrapon kaq shumë.
Ju vraponi, vraponi dhe vetëm vraponi. Nga buron gjithë kjo fuqi?
“Kjo ka të bëjë me mentalitetin. Im atë më ka mësuar të mos dorëzohem kurrë. Ai ka ardhur në Zvicër nga Kosova me tre vajzat”.
Mendoni të largoheni nga Freiburgu?
“Jo. Unë mund të luaj këtu edhe dhjetë vite të tjera”.
Njëherë ngritje, më pas kualifikoheni për në Kampionatin Europian. A është 2016, viti juaj?“
Nuk ka ndjesi më të mahnitshme. E kam ëndërr të udhëtoj drejt Francës”.Pse vendosët të luani për Shqipërinë dhe jo Zvicrën?
“Kur luaja me Zvicrën U21 në Kampionatin Europian 2013 më erdhi ftesa nga Federata Shqiptare e Futbollit. Atëherë Ottmar Hitzfeld kishte akoma dyshime dhe unë vendosa direkt për Shqipërinë. AI ishte një ndër hapat më të mirë të karrierës time”.
