Legjenda e futbollit Diego Maradona pretendon se iu është refuzuar viza për të hyrë në Shtetet e Bashkuara të Amerikës sepse ofendoi Donald Trump në televizon.
Ai u përjashtua së pari nga SHBA kur u kap me drogë gjatë Kupës Botërore të vitit 1994. Ndërsa tani iu është mohuar një vizë nga autoritetet amerikane.
Duke folur për televizionin argjentinas ‘Buenos dias America’, avokati i Maradona Matias Morla shpjegoi se çfarë ndodhi.
Ai tha se ishte në procesin e marrjes së vizës kur Maradona dha një intervistë në kanalin televiziv Venezuelan TV channel TeleSur.
Avokati u shpreh se i kishte thënë 57-vjeçarit që të mos jepte asnjë deklaratë për Amerikën, por nuk e dëgjoi.
Kur e pyetën se çfarë mendonte për Donald Trump ai iu përgjigj: “Është një kukull.”
Ish-futbollisti i njohur duhej të vizitonte Miamin për një rast gjyqësor me ish-bashkëshorten e tij Claudia Villafane.
