Diego Maradona, legjenda e Argjentinës, ka parashikuar ndeshjen mes Portugalisë dhe Kroacisë
Sipas Diego Maradonas Kroacia është favorite në përballjen me Portugalinë, e cila do të luhet sonte nga ora 21:00.
Maradona mendon se Portugalia është shumë e varur në kapitenin Cristiano Ronaldo dhe se nuk është favorite në 1/8 e finales kundër Kroacisë.
“Portugalia varet shumë nga Ronaldo. Ai ishte i jashtëzakonshëm kundër Hungarisë, por ata kanë gjysmë force nëse ai nuk luan mirë, ndërsa kundër kroatëve do të tregohet se është përfaqësuese e dobët”, ka deklaruar Maradona.
“Ai mund të ketë hapësirë dhe suksesi i Portugalisë varet se sa mirë e bënë ai këtë punë. Ata kanë dobësi në mesfushë dhe mbrojtje, sepse janë zona të cilat shpien në eliminim. Kroacia fillon lojën si favorite, mund të fitojë”, shtoi ai.
