Një ditë më parë në media u pasqyrua varfëria e tejskajshme dhe kushtet çnjerëzore që kanë gjunjëzuar familjen Mehmetaj në fshatin Dishnicë të Korçës.
Një kasolle e vogël ku çfarë bie jashtë hyn brenda është streha e vetme për familjen me tre anëtarë: një nënë e sëmurë dhe e paralizuar, një fëmije me barkun bosh dhe kryefamiljari që kujdeset për to, ndërsa mundësia për punë është inekzistente.
Historia ka marrë vëmendjen e nismës “Fundjava Ndryshe”. Nën moton “Bamirësia nuk të varfëron”, aktivistët e kësaj nisme shkuan në familjen Mehmetaj për të dhuruar ndihma që mund ti lehtësojnë sadopak jetesën familjarëve.
“MANUELA NUK E MERITON TË JETOJË KËSHTU!
Sot në familjen Mehmetaj në fshatin Dishnicë të Korçës. “Fundjavë Ndryshe” po merret me rastin dhe ka nevojë për ndihmën e të gjithëve. Po shikojmë mundësinë edhe për operacionin e gruas që ndodhet në spital.”-thuhet në deklaratën e “Fundjava ndryshe”.
