Menjëherë pasi Sali Berisha publikoi një video ku dukej se si vidheshin votat e PDIU-së në Tiranë, ka ardhur edhe një reagim nga Ylli Manjani. Sipas Manjanit, personi i cili ka bërë këtë gjest, punon në hipotekë dhe kështu ai i dha një dorë “Rilindjes” për të fituar. Edhe sipas Manjanit, kjo çështje duhet të shkojë në Gjykatë pasi materialet janë të mjaftueshme
Statusi i plotë i Manjanit:
Kjo është dora hajdute e një numëruesi Rilindas. Punon në Hipotekë dhe hyri ti japë “një dorë” partisë në zgjedhje!
I duhej kjo dorë, rilindjes për të marrë në një dorë çdo gjë! Një dorë nga ata të Hipotekës që Kryeministri i quajti “tepsi”…
ja ku e ka tepsinë!
Pamjet e videos janë shkëputur nga rregjistrimi zyrtar i kamerave të KQZ. Duket qartë se si nga tufa e votave të PDIU, që janë në anën e majtë të numëruesit, hiqet fleta e votimit dhe i bashkohet tufës së votave të PS, që gjenden në anën e djathtë të tij! Flagrante! Ka ndodhur në disa raste kështu.
Tani është radha e KQZ. Kjo lloj hajnie ka ndodhur në shumë raste duke i vjedhur mandatin PDIU për tja dhënë rilindjes së Govatës!
Prokuroria ka marerial të bollshëm. Ka shumë episode të kësaj natyre të kryera jo thjesht nga numërues, por nga mbajtës detyrash publike gjithashtu!
Nuk ju mjaftoi blerja e votuesve, por edhe jua vodhën votën!
Krim shumë i rëndë ndaj demokracisë!
