Kreu i PD zyrtare, Lulzim Basha në një konferencë me gazetarët është shprehur se sa më shumë SPAK ka sukses në goditjen kundër korrupsionit qeveritar aq shumë nxirret projekte për ta zhbërë këtë strukturë.
Basha tha se Manja bën hipokrizi te SAPAK kur thotë “luftoni korrupsionin” ndërsa flet për pazare.
Për kreun e PD, Amnistia Penale është një atentat ndaj Reformës në Drejtësi.
“Sa me shumë SPAK ka sukses në goditje kundër korrupsionit qeveritar, aq më shumë nxjerrin nga sirtarët projektet për të zhbërë këtë strukturë dhe për ta kontrolluar atë.
Ai nuk ka gënjyer nga halli, por planifikoi lirimin e dhjetërave deri në 100 të burgosur, të dënuar për korrupsion nga GJKKO. Manja bën hipokrizi te SAPA kur thotë ‘luftoni korrupsionin’, por bëri pazare.
Ata kërkojnë që t’u mbyllin gojën me kodin e heshtjes. Është atentat ndaj SPAK dhe reformës në drejtësi. Nuk është bërë me eksploziv dhe karikator, por me akt politik.
Sot qindra zyrtarë, po japin dorëheqjen dhe nuk ka aplikime për t’i zëvendësuar sepse e kanë kuptuar që po përdoren “si mish për top”.
E njëjta gjë në raport me të tjera aspekte të bashkëpunimit të SPAK me institucionet ndërkombëtare ku jepet leksion në vend që të ndryshohen ligjet për të lehtësuar komunikim e ndërsjellë mes organeve të drejtësisë tona me ato ndërkombëtare.
I pafalshme që një person se pse duhet të japë llogari se pse gënjeu shqiptarët, që nuk ka përfitues nga amnistia për të dënuarit e GJKKO, shkon e jep leksione”, tha Basha.
