LSI ka reaguar ashpër ndaj ish-anëtarit të saj, Robert Bitri. I dalë deputet nga listat e LSI në qarkun e Fierit Robert Bitri i është bashkuar sëfundmi mazhorancës edhe pse ligjërisht gëzon statusin e të pavarurit.
Së fundmi ai u bë objekt i një sherri mes partive politike, pasi votoi për shembjen e teatrit kombëtar me kartën e kolegut të tij të Lsi që nuk ishte prezent në sallë, deputetit Vangjel Tavo. Opozita ka kërkuar anulimin e votimit për teatrin, por mazhoranca e rrëzoi këtë kërkesë, duke e quajtur të vlefshëm votimin, ku Bitri ka votuar për Tavon.
Sakaq, ka reaguar deputetja e LSI, Kejdi Mehmetaj e cila thotë se “rilindasi i vonuar Robert Bitri nuk duhet të qendrojë as formalisht në radhët e LSI.
Statusi i plotë në facebook:
Rilindasi i vonuar, alias Robert Bitri …
Nuk kishte se si të mos bëhej sërish protagonist i shëmtisë së maxhorancës në përpjekjen për të prishur teatrin, edhe rilindasi më i ri i rilindjes së vjetër të Edi Ramës, përkatësisht Robert Bitri!
Sepse, megjithëse i ka sytë në ballë, e megjithëse nuk ka shfaqur simptoma çorientimi, nuk na ka dhënë ndonjë shenjë se nuk di as shkrim e as këndim, aq sa për të mos lexuar emrin e tij në kartën e vet apo edhe në monitorin e sallës së Kuvendit!
Mungesë integriteti, karakter të dyfishtë, moral të denjë për një rilindas shëtitës!
Ky është portreti i Robert Bitrit, rilindasit më të ri të rilindjes së vjetër të Edi Ramës, i cili nuk ka se përse të qëndrojë më as formalisht në rradhë me deputetët e LSI-së!
