Kreu i Grupit Parlamentar të PD, Gazment Bardhi ka hedhur akuza se bashkëpunëtorë të Luzim Bashës dhe miq të ish-ministres Olta Xhaçka, kanë ndërhyrë tek kreu i PD zyrtare për të penguar mocionin për deputeten.
“Basha, edhe pse nuk do të doja të merresha me të sepse do të duhet të flasim për gjëra serioze, jo për individ që i ka hyrë shumë në qejf të flasin me vete. Se kush flet me veten ju e dini, e kam parë edhe që i shkon ky lloj modeli.
Basha nuk ka firmosur as herën e parë për mandatin e Xhaçkës dhe arsyet ai i di fort mirë. Basha nuk ka pranuar të firmosur edhe mocionin e 1/10 që në nisje të kësaj procedure. Pyeteni për Bashën për arsyen dhe se kush janë bashkëpunëtorët e tij, që kanë miqësi me Olta Xhaçkën dhe i kanë ndërhyrë Bashës për të penguar mocionin kundër Olta Xhaçkës”,-tha Bardhi.
