Kreu i grupit parlamentar të PD-së, Gazment Bardhi, ka dalë në një konferencë për mediat këtë të martë një ditë pas protestës së deputetëve demokrat para Parlamentit.
Bardhi u shpreh se nëse Rama ka marrë vendim të asgjësojë opozitën demokratët do t’i ketë përballë.
Më tej ai akuzoi Nikollën se me urdhër të Ramës pengon vendimin e Gjykatës Kushtetuese për mandatin e deputetes Olta Xhaçka.
“Nëse Rama ka marrë vendim të asgjësojë opozitën, do na ketë përballë.
Nëse do asgjësimin e shtetit, jam këtu për t’i kujtuar se do të na ketë përballë. Me arrogancën e shtetit shtohet qëndresa e njerëzve të lirë. Ne bëjmë betejë për qytetarët dhe parimet e një vendi demokratik.
Kuvendi ka degraduar aty ku fut në xhep vendimet Kushtetueses, i shpërfill, i injoron nuk i zbaton. Prej një viti me urdhër të Ramës kryetarja e Kuvendit pengon vendimin e GJK për mandatin e Xhaçkës. Kryetarja e GJK e konsideroi një veprim i paimagjinueshëm. Detyra jonë, të mbrojmë Kushtetutën e vendit dhe të mos i nënshtrohemi arrogancës së regjimit”-tha Bardhi.
