Manchester United ka rënë dakord me kushtet e Leicester City mbi transferimin prej 87 milion euro të Harry Maguire në Old Trafford.
Qendërmbrojtësi është ndjekur nga United gjatë tërë verës, pasi ishin kufizuar planet për ta sjellë atë në klub 12 muaj më parë.
Por tani ata do të paguajnë një tarifë rekord për një mbrojtës duke e bërë Maguire më të shtrenjtin në historinë e futbollit.
Transferimi tejkalon rekordin e mëparshëm prej 84.6 milion euro që Liverpool pagoi Southampton për Virgil van Dijk në janar 2018.
Maguire, 26-vjeç, spikati me lojën e tij për Anglinë në gjysmëfinalen e Kupës së Botës në vitin 2018, dhe me formën e tij konsistente për Leicester që nga mbërritja në Stadiumin King Power më 2017.
Maguire filloi karrierën e tij me klubin vendas Sheffield United përpara se të bashkohej me Hull City në vitin 2014, dhe tre vjet më vonë ai u transferua te Leicester. /Opinion.al
