E ardhmja e pankinës së Manchester United vijon të jetë në qëndër të vëmëndjes në Mbretërinë e Bashkuar. Asgjë nuk mund ta shpëtoi më Louis Van Galin që në mbyllje të këtij edicioni do ti thotë lamtumirë 20 herë kampionëve të Anglisë. Janë përmendur shumë emra si pasues të tij, por tashmë duket se dilema është zgjidhur pasi me shumë gjasa trajneri i ardhshëm i skuadrës nga “Old Trafford” do të jetë Jose Mourinho.
Pak kohë më parë vetë portugezi në rrugë jo zyrtare pranoi se kish arritur akordin me drejtuesit e United, ndërsa sot mediat britanike zbulojnë disa detaje të kontratës së ardhshme të 53 vjeçarit me klubin anglez.
Marrëveshja do të jetë për 3 edicione dhe shifra që tekniku nga Setubali do të përfitojë do të jetë vërtetë faraonike. 60 milion euro, ose e përkthyer ndryshe 20 milion euro në sezon. Madje për t’ia bërë edhe më tërheqëse kontratën Mourinhos, drejteusit e Man United kanë vendosur edhe një klauzolë tjetër që nëse ekipi triumfon në kampionat, atëherë trajneri do të perfitojë edhe 5 milion euro bonus.
Terma vërtetë joshëse për ish trajnerin e Portos, Chesleat, Realit dhe Interi që nëse konkludon gjithçka edhe në rrugë zyrtare, atëherë do të shndërrohej në një ndër më të paguarit në Angli. Me sa duket derbi i Manchesterit po përgatitet të jetë më i zjarrtë se kurrë, me Mourinhon i veshur me të kuqe dhe Guardiolën me ngjyrat e kaltra. /ora-sport
