Inter dhe Manchester United kanë arritur më në fund një marrëveshje për sulmuesin Romelu Lukaku. Transferimi i lojtarit ka kapur vlerën 80 milionë euro dhe ai pritet të nënshkruajë një kontratë 5-vjeçare me Interin.
Të mërkurën në mbrëmje, agjenti i Lukakut, Federico Pastorello, postoi një imazh në Instagram të vetes dhe sulmuesit në një avion privat me titullin: “Gati për nisje … drejtimi Milano, Inter po vijmë”
Ndërkohë, Manchester United është përsëri në bisedime për të nënshkruar Mario Mandzukic nga Juventus si një zëvendësim për Lukaku, sipas Sky në Itali.
26-vjeçari pritej të largohej nga Old Trafford në këtë verë pasi nuk ka luajtur asnjë minutë para-sezonit për Ole Gunnar Solskjaer. /Opinion.al
