Mënyra e pëshëndetjes së njerëzve pas pandemisë ka ndryshuar. Ndonëse ka ende nga ata që ende japin duart kur takohen, rrokja e bërrylave ose e grushteve është bërë gjithashtu shumë e përhapur.
Në samitin e fundit të BE, përshëndetjet mes liderëve të vendeve ishin një nga gjërat që tërhoqi vëmendje.
Autoritetet shëndetësore apelojnë që të evitohet dhënia e duarve pasi është një nga mëyrat kryesore për transmetimin e Covid-19.
Një apel të tillë ka bërë sot edhe ministrja e Shëndetësisë, Ogerta Manastirliu, duke propozuar kthimin e përshëndetjes tradicionale.
“Ne shqiptarët kemi një tradite shumë të bukur për të shprehur respektin ndaj mikut, prej kohëve të lashta. Dorën në zemër dhe një tundje e lehtë e kokës. Pse mos ta rikthejmë si traditë, për të evituar shtrëngimin e duarve, një mënyrë për të kufizuar përhapjen e virusit të rrezikshëm.”. /Opinion.al
