Me Ledri Vulaj, reperin e njohur nga Kosova jemi familjarizuar të gjithë, por tashmë do mësohemi edhe me mamanë e tij. Xheraldina Vulaj, nëna e reperit Kosovar do të moderojë emisionin më të ri që do shfaqet në ekranet shqiptare.
Bëhet fjalë për emisionin e famshëm të kuzhinës “Masterchef Junior”, që kësaj radhe do të vërë në garë fëmijë të moshave 8-14 vjeç. Emisioni do të transmetohet për 12 javë në TVSH, dhe do të ketë pjesë emra të njohur të kuzhinës si Juli Zguro dhe Sokol Prenga. Emisioni do të nisë transmetimin të martën më 27 mars, ndërkohë që janë zbuluar pamjet e para të shkëputura nga xhirimet.
