Kristiano Ronaldo i ka blerë nënës së tij, Dolores Aveiro, një makinë “Porsche” për ditëlindjen e saj, në prag të Vitit të Ri, duke e uruar: “Gëzuar ditëlindjen, Dolores Aveiro!” Ditëlindja e mamasë së Kristiano Ronaldos, yllit të Realit të Madridit, është shoqëruar me një dhuratë të pabesueshme, për atë që CR7 e konsideron gruan më të rëndësishme në jetën e tij.
Dolores Aveiro ka ngarkuar fotografi në llogarinë e saj në Instagram, duke zbuluar se djali i saj i ka blerë një makinë të re për ditën e saj të veçantë. Dhe jo një makinë dosido, por një “Porsche” të bardhë. Sapo përfundoi ndeshjen e fundit të vitit 2015, të cilën Reali i Madridit e fitoi 3-1 kundër Real Sociedad, Kristiano thuhet se shkoi në Afrikën e Veriut për të kaluar festën e Vitit të Ri. Prandaj, ai nuk ishte me mamanë e tij në ditën e saj të veçantë, por i dërgoi asaj një “Porche”, që vlen diku rreth 65 mijë euro. (Telesport)
