Kreu i Partisë Demokratike, Lulzim Basha ka reaguar për incidentin e ndodhur ditën e sotme në çadrën e protestës të opozitës, ku gjatë kohës që fliste ish-kryeministri Berisha, një grua ka ndërhyrë duke u ndërprere fjalën.
“Doni të vini ju në pushtet duke thyer xhamat e duke shpuar gomat. Po lekët qe m’i morët mua. Marshtruesa. Rroftë Edi Rama, mësohet të ketë thënë me zë të lartë, gruaja e quajtur Eklarina Hoxha.
Duke folur mbrëmjen e sotme nga “çadra e lirisë”, Basha ka bërë përgjegjës për këtë incident kryeministrin Edi Rama, duke e akuzuar se “po i fryn përçarjes kombëtare”.
“Nuk dua të komentoj atë grua. Të gjithë ne pamë fotot e saj, por nuk dua të komentoj paraqitjen e saj. Dua t’i drejtohen Edi Ramës, i cili po i fryn përçarjes kombëtare. Edi Rama të distancohet nga provokimi anti-kombëtar. Rama e solli atë grua për të hedhur farën e përçarjes. Po kështu ndodh, i fryn përçarjes, s’ke kurajë të ballafaqohesh me qytetarët”, tha Basha.
Kryedemokrati ka ritheksuar sërish kërkesën për qeveri teknike dhe zgjedhje të lira e të ndershme.
“Streha e fundit e krimit, e maskarallëkut, është patriotizmi i rremë. Por po kështu paska edhe një strehë tjetër, ajo e përçarjes. Kështu ndodh kur nuk e forcë të përballesh me qytetarët. Por kjo është fytyra e vërtetë e qeverisjes së Ramës.
Nuk ka e nuk do të ketë lodhje, fyerje, kompromis e Pazar, fitorja e zgjedhjeve të lira e të ndershme po afron”, u shpreh Basha.
