Një bombol gazi ka shpërthyer në një banesë në Maliq.
Ngjarja ndodhi rreth orës 11:00, në Fshat Maliq dhe si pasojë e shpërthimit janë dëmtuar 3 shtetas, pjesëtarë të familjes.
Sipas policisë, ata po marrin mjekim në spitalin e Korçës dhe ndodhen jashtë rrezikut për jetën.
NJOFTIMI:
Maliq/Informacion paraprak
Rreth orës 11:00, në Fshat Maliq, në banesën e shtetasit M. M., dyshohet se ka shpërthyer një bombël gazi.
Si pasojë e shpërthimit janë dëmtuar 3 shtetas, pjesëtarë të familjes, të cilët aktualisht po marrin mjekim në spitalin e Korçës dhe ndodhen jashtë rrezikut për jetën.
Grupi hetimor ndodhet në vendngjarje dhe po punon për sqarimin e plotë të rrethanave të rastit.
