Deputeti shqiptar i Parlamentit të Malit të Zi, Nikë Gjeloshaj ka vazhduar betejen e tij kundër fjalorit të Akademisë së Shkencave dhe arteve në Mal të Zi, ku denigrohen dhe fyhen shqiptarët.
Gjeloshaj tha se në fjalor thuhet se Shqiptar është ai që është banorë i Shqipërisë ose ka origjinën nga Shqipëria.
“Albanizim- shqiptarizim, do thotë imponim i gjuhës, kulturës dhe traditës shqiptare. Kur flasim për procese të tjera, nuk e definoni si imponim, vetëm në këtë proces”, theksoi Gjeloshaj në Kuvendin e Malit të Zi.
Ai bëri me dije se fjala është më e kontestueshme në fjalor.
“Thoni çka do thotë Albanizirati, dhe e sqaroni. Edhe pse Malësorët janë Albanizu. Unë jam Malësor, nuk jam Albanizuar dhe thoni se e folura e tyre dallohet nga e folura standarde e cështje të tjera. Për mua edhe një cështje më e kontestueshme, është Amerikanizimi. Në mes tjera thoni, që në kohet moderne quhet globalizim, por në fakt është Amerikanizim, ndërhyrje e vrazhdë në punët e brendëshme, kështu ju e përcaktoni. Mendoj se një përcaktim të till as Putin nuk do e bënte”, tha deputeti shqiptar.
Sipas tij, derisa Akademia e Shkencave përcaktohet në këtë mënyrë ndaj shqiptarëve, nuk duhet të çudisë askënd më dallimi etnik që ekziston në Mal të Zi.
Në fjalën e mbajtur në Kuvend, Gjeloshaj sulmon edhe akademikët më në zë të Malit të Zi si Jevrem Berkoviç apo edhe Zuhdija Hoxhiç.
Reagime në lidhje me këtë çështje ka pasur edhe nga qarqe intelektuale në Tiranë edhe Prishtinë, si dhe nga Këshilli Nacional i Shqiptarëve në Mal të Zi.
Më e keqja është se ky fjalor vjen në kuadër të 10 vjetorit të pavarësisë së Malit të Zi.
