Një aksident i rëndë u ka marrë jetën 15 studentëve në Malajzi.
Mësohet se ngjarja ndodhi në orët e para të ditës së sotme, në KM53 të autostradës Lindje-Perëndim (JRTB) pranë Tasik Banding në Gerik, Perak.
Autobusi me qira po transportonte studentët e Universitetit Pendidikan Sultan Idris, në kampusin e tyre në Tanjung Malim, Perak dhe u përplas me një furgon me pasagjerë.
Nga ky aksident janë shënuar 15 viktima e më shumë se 30 të lënduar. 13 prej viktimave ndërruan jetë në vendngjarje, ndërsa dy të tjerët në spital, pasi nuk u mbijetuan dot lëndimeve të marra nga aksidenti i rëndë.
Kujtojmë se një tragjedi e tillë vjen një muaj pas një aksidenti tjetër fatal, të shënuar më 13 maj, i cili u mori jetën 9 anëtarëve të Njësisë së Rezervës Federale në Teluk Intan, Perak.
