Artisti dhe shkrimtari i mirënjohur Maks Velo në një takim që ka patur me të rinj në Tiranë ka zbuluar për herë të parë emrin e shokut që e ka spiunuar tek Sigurimi i Shtetit në kohën e diktaturës. Ai ka vuajtur shumë në burgje, ndërsa tani ka në dorë dokumentet që i tregojnë se nga i ka ardhur e keqja.
“Të gjeje dy shokë gjatë periudhës së regjimit ka qenë shumë e vështirë. Një shok i im i ngushtë, Dhami Blido kishte bërë 27 denoncime. Nje herë ka ardhur në shtëpi me çantë për regjistrim. E qerasnim për Vit të Ri ndërsa ai të denonconte. Poshtërsia më e madhe është se e ngarkojnë edhe pasi unë isha në burg të shkonte tek shtëpia të shihte çfarë thonin prindërit. Piktor ai!”, shprehet Velo.
Për t’u arratisur nga realiteti dhe nga burgu i Spaçit, Maks Velo shkruante. Ato ngjarje dhe personazhe që e ngacmonin më shumë gjatë asaj periudhe i sjell me ribotimin e librit “Përkthyesi”. Letërisa e tij nuk zbulon vetëm përjetimet personale, por pasqyron edhe një realitet sa të përditshmë aq edhe historik tashmë, Burgun e Spaçit.
“Jam munduar të sjell gjërat më të fuqishme, kontradiktore dhe më të rëndësishme të qëndrojnë. Në rini kam lexuar shumë, pastaj edhe artet e tjera më kanë ndihmuar. Imazhi, cikli me vizatime të burgut thonë është shumë letrar, dhe njëkohësisht dhe tregimet thonë janës humë vizuale”, shprehet ai.
Velo e mbyll takimin me një mesazh: “Bëni jetën tuaj të ndershme deri në fund”
