Mbrëmjen e sotme, drejtuesit e dy automjeteve duke lëvizur me shpejtësi të lartë, morën para rreth 40 krerë dele në aksin rrugor Levan – Pishporo.
Fermeri i bagëtive të imëta ka treguar për mediat se është përpjekur të ndalojë shoferët duke ia bërë me shenjë, por nuk ka mundur.
Sipas tij, deri më tani kanë ngordhur 40 krerë dele.
“Isha duke futur bagëtitë në portë, në atë moment vijnë dy makina, u dola para t’i ndaloja, nuk po ndalonin, por po parakalonin njëri-tjetri po vinin me shpejtësi. U shmanga nga rruga të mos më vrisnin mua, më kanë vrarë 40 bagëti. Unë kam rreth 200 e ca krerë. Kanë ngordhur 40 krerë, ca janë lënduar, kanë ngordhur rruges. Se sa do jetë bilanci, nesër në mëngjes ta shohim. Ata ikën, makinat janë këtu. Se di çfarë ka bërë policia. Dëmi shkon rreth 10 milion lekë”, tha ai.
