Makina e djegur që u gjet pas vrasjes së politikanit serb, Oliver Ivanoviç, është në pronësi të një personi që ka ndërruar jetë. Media serbe ‘Vecernje Novosti’, ka raportuar se automjeti të cilin autoritetet kosovare kanë konfirmuar se janë duke e ekzaminuar është e regjistruar në pronësi të një personi që nuk jeton më, me origjinë serbe dhe me shtetësi austriake.
Pronari i kësaj makine, një 70 vjeçar ka vdekur pak kohë më parë, shkruan gazeta serbe.
24 orë pas vrasjes së Oliver Ivanoviçit, autoritetet kosovare ende nuk kanë identifikuar asnjë të dyshuar për vrasjen e ish-deputetit serb të Kosovës. Ivanoviç u vra dje në mëngjes në një atentat që iu bë përpara zyrave të partisë së tij në Mitrovicën e veriut.
