Një 37-vjeçar ka humbur jetën në një aksident rrugor të ndodhur mbrëmjen e së shtunës.
Ngjarja ka ndodhur në aksin rrugor Kuçovë-Belsh. Policia bën me dije se automjeti drejtohej nga shtetasi K. K., 22 vjeç, ndërsa viktima ishte pasagjer.
Makina u përplas me mbrojtësen metalike të rrugës. Për pasojë dëmtimet ishte të rënda për 37-vjeçarin, i cili ndërroi menjëherë në vendin e ngjarjes.
Shoferi 22-vjeçar, u dërgua në spital dhe rezultoi pa probleme. Për këtë arsye ai është shoqëruar në ambientet e policisë për veprime të mëtejshme.
Po ashtu edhe pasagjeri tjetër, një 14-vjeçar, nuk ka marrë lëndime dhe është larguar për në banesë.
Informacioni paraprak
Në aksin rrugor Kuçovë-Belsh, automjeti që drejtohej nga shtetasi K. K., 22 vjeç, banues në Belsh, është përplasur me mbrojtësen metalike të rrugës.
Nga përplasja, ka ndërruar jetë në vendngjarje, shtetasi U. Sh., 37 vjeç, banues në Belsh, pasagjer, në këtë automjet.
Drejtuesi i automjetit shtetasi K. K., pasi kreu ekzaminimet në spital ku rezultoi pa probleme, u shoqërua në ambientet e Policisë për veprime të mëtejshme.
Gjithashtu, kreu ekzaminimet edhe pasagjeri tjetër 14 vjeç, dhe u largua për në banesë, pa probleme.
Shërbimet e Sektorit të Qarkullimit Rrugor dhe grupi hetimor ndodhen në vendngjarje dhe po punojnë për përcaktimin e plotë të shkaqeve si edhe rrethanave të aksidentit, paraprakisht dyshohet se shkaku i përplasjes me mbrojtësen metalike është humbja e kontrollit mbi drejtimin e automjetit nga drejtuesi i automjetit.
