Dy persona kanë mbetur të plagosur gjatë një aksidenti të regjistruar pasditen e sotme në aksin Korçë-Bilisht, në afërsi të fshatit Bitinckë.
Mësohet se një automjet ka përplasur një motor më të cilin po udhëtonte një çift. Si pasojë e përplasjes, kanë mbetur të plagosur burrë e grua që ndodheshin në motor.
Ata janë dërguar me urgjencë në spital pasi kanë marrë dëmtime. Ende nuk dihet gjendja e tyre shëndetësore. Ndërkohë, Policia ka shkuar në vendngjarje për zbardhjen e rrethanave të aksidentit.
