Një aksident ka ndodhur mbrëmjen e sotme në aksin rrugor “Korçë-Pogradec”, ku një automjet ka përplasur një këmbësore.
Sipas njoftimit të policisë 53-vjeçarja është transportuar menjëherë në spital dhe ndodhet nën kujdesin e mjekëve, ndërsa drejtuesi i automjetit është transportuar në Komisariat.
Njoftimi i Policisë:
Rreth orës 20:00, në aksin rrugor “Korçë-Pogradec”, automjeti tip “Benz”, me drejtues shtetasin 44 vjeç, ka përplasur këmbësoren, shtetasen 53 vjeçe, e cila është transportuar në spital dhe është në kujdesin e mjekëve.
Drejtuesi i automjetit është shoqëruar në Komisariatin e Policisë Pogradec, për kryerjen e veprimeve të mëtejshme procedurale.
Ndërkaq, grupi hetimor është në vendngjarje, ku vijon punën për të përcaktuar shkakun e aksidentit.
