Një automjet ka përplasur mëngjesin e sotëm një biçikletë në Elbasan dhe për pasojë drejtuesi i biçikletës ka mbetur i plagosur rëndë.
Ngjarja ka ndodhur në aksin e e rrugës kombëtare që lidh qytetin e Elbasanit me ish-Kombinatin Metalurgjik, ku makina me targa AA293ME ka përplasur një biçikletë.
Bëhet e ditur se drejtuesi i biçikletës është përplasur në pjesën e përparme të makinës dhe ka përfunduar jashtë rruge.
Sipas informacioneve paraprake ka qenë biçikleta, e cila i ka prerë rrugën automjetit.
Drejtuesi i biçikletës është dërguar fillimisht me urgjencë në kirurgjikun e Elbasanit, por më pas për shkak të gjendjes së rëndë është nisur për në spitalin e Traumës në Tiranë.
Vijojnë hetimet për të sqaruar rrethanat e aksidentit./Opinion.al/
