Një i moshuar 87-vjeçar është përplasur nga një automjet. Ngjarja ka ndodhur në aksin Këlcyrë-Përmet, në vendin e quajtur Ura e Këlcyrës, afër qendrës së këtij qyteti.
Autori i këtij aksidenti është një i ri, i cili duket se ka qarkulluar me shpejtësi mbi normat e lejuara. I moshuari është përplasur nga automjeti që drejtohej nga i riu 32-vjeçar S.L.. Ndërkohë, ai nuk është larguar nga vendngjarja, por ka njoftuar policinë që të vinte.
I moshuari është dëmtuar dhe është dërguar me urgjencë drejt Spitalit të Përmetit për asistencë mjekësore. Policia ndodhet në vendngjarje për të hetuar shkaqet e këtij aksidenti, ndërkohë që është bllokuar qarkullimi në të dy krahët e rrugës, duke krijuar kaos në aksin Këlcyrë-Përmet.
