Një autoveturë e parkuar mbrëmjen e djeshme përpara një moteli në Malishevë është bërë objekt i duskutimit në mediat kosovare, ndërsa është konstatuar se ajo i përkiste njërës prej ministrive në vend.
Paraditen e së dielës, gazeta express shkruan se vetura i përket Ministrisë së Tregtisë dhe Industrisë
Targat e veturës 3Z-118-15 janë të Ministrisë së Tregtisë dhe Industrisë. Zyrtarë të Qeverisë së Kosovës kanë konfirmuar për Express se vetura që ishte e parkuar para një moteli është e Ministrisë së Tregtisë dhe Industrisë.
Ende nuk po dihet nëse këtë veturë e vozitë ndonjëri prej Zëvendësministrave apo këshilltarëve në këtë Ministri.
Ndërkohë, Kryeministri Ramush Haradinaj pati premtuar se do të marrë masa ndaj secilit që keqpërdorë veturat zyrtare.
Zyrtari i Qeverisë së Kosovës ka dërguar pjesë të Udhëzimit ku shihet se veturat që përfundojnë me numrin 15 janë të Ministrisë së Tregtisë dhe Industrisë.
