Katër ditë pas ngjarjes së rëndë në Elbasan, ku një autoblind goditi makinën e zv/drejtorit të Policisë, në këtë qytet ka mbërritur drejtori i Përgjithshëm i Policisë së Shtetit, Haki Çako.
Mësohet se Çako është duke zhvilluar një mbledhje me drejtuesit më të lartë dhe hetues të ngjarjes.
Kujtojmë se mjeti luksoz në emër të biznesmenit Petrit Çela goditi makinën e policisë teksa patrulla shoqëronte në komisariat një person që udhëtonte me makinë luksoze Range Rover, edhe kjo në emër të Çelës.
Nga burime të pakonfirmuara si dhe nga deklaratat publike të kreut të opozitës, Basha është mësuar se në drejtim të mjetit Audi A8 (e blinduar) që goditi makinën e policisë ka qenë i biri i biznesmenit, Suel Çela.
Ky person ende nuk është arrestuar. Sakaq, Berisha dhe Basha e kanë akuzuar Kryeministrin Rama, kreun e Bashkisë Elbasan, Qazim Sejdini dhe kreun e Policisë, Çako se po mbështesin kriminelët dhe kanë lënë policët në mëshirë të fatit. /Opinion.al
