Një aksident tragjik ndodhi mëngjesin e kësaj të marte në Kukës, ku një 46-vjeçar humbi tragjikisht jetën teksa udhëtonte me makinë me vajzën e tij të vogël.
Ngjarja e rëndë ndodhi rreth orës 09:20, në vendin e quajtur “Ura e Topojanit”.
Burime zyrtare të policisë thonë se 46-vjeçari me iniciale A. I., ishte në timonin e një “Mitsubishi”, kur dyshohet se humbi kontrollin dhe për pasojë automjeti doli nga rruga.
Si pasojë e dëmtimeve ai gjeti vdekjen, ndërsa vajza e tij e mitur mbeti e plagosur.
“Rreth orës 09:20, në vendin e quajtur “Ura e Topojanit”, shtetasi A. I., 46 vjeç, duke drejtuar automjetin tip “Mitsubishi”, dyshohet se ka humbur kontrollin dhe si pasojë automjeti ka dalë nga rruga.
Për shkak të dëmtimeve, shtetasi A. I. ka humbur jetën.
Nga aksidenti është dëmtuar edhe vajza e mitur e shtetasit A. I., pasagjere në automjet, e cila është jashtë rrezikut për jetën”, njofton policia.
Grupi hetimor po punon për sqarimin e rrethanave të aksidentit.
