Një aksident automobilistik me disa të plagosur ka ndodhur në aksin rrugor Korçë-Pogradec. Sipas policisë, ngjarja ka ndodhur ditën e sotme, në afërsi të fshatit Sovjan, Korçë.
Një automjet tip “Peugot” me targa TR76 67K i drejtuar nga Y. A me banim në Tiranë, ka dalë nga rruga dhe për pasojë janë dëmtuar drejtuesi i mjetit, si dhe shtetasit A.A, DH.T dhe F.T, të cilët ishin pasagjerë.
Sipas informacioneve paraprake, të plagosurit po marrin ndihmën e nevojshme mjekësore në Spitalin Rajonal të Korçës, ku fatmirësisht ndodhen jashtë rrezikut për jetën.
