Makina del nga rruga dhe përfundon në Lanë, humb jetën drejtuesi

Një aksident i rëndë ka ndodhur mbrëmjen e sotme në Tiranë. Një automjet ka dalë nga rruga dhe ka përfunduar në Lanë.

Si pasojë e aksidentit, drejtuesi ka humbur jetën në  vend.

Sipas njoftimit të policisë, aksidenti ka ndodhur në zonën e Bërxullës, në drejtim të Rinasit.

Njoftimi i policisë:                                                                              

Më datë 04.05.2024, rreth orës 19:20, në Bërxullë në drejtim të Rinasit, shtetasi Xh. H., duke drejtuar automjetin dyshohet se ka humbur kontrollin mbi drejtimin e tij dhe automjeti ka dalë nga rruga, duke rënë në lumin Lana. Si pasojë shtetasi Xh. H. ka humbur jetën.