Një aksident me pasojë vdekjen e një personi ka ndodhur mbrëmjen e shkuar në qytetin e Elbasanit.
Ngjarja e rëndë ndodhi në aksin rrugor Elbasan-Peqin, pranë fshatit Murras, ndërsa viktima është identifikuar si 35-vjeçari me iniciale S.S, banues në Elbasan.
Sipas policisë ai ka qenë duke drejtuar një mjet tip “Benz” ku ka dalë nga rruga duke rënë në lumin Shkumbin.
Shërbimet e Policisë dhe të Zjarrfikëses bënë të mundur nxjerrjen e mjetit nga lumi ndërkaq vijon puna për zbardhjen e plotë të shkakut të aksidentit./Opinion.al
