TIRANË- Në kulmin e debateve për reformën në drejtësi, kur është në pikpyetje edhe një herë e ardhmja e koalicionit qeverisës për shkak të disa mospajtimeve të PS dhe LSI për reformën në drejtësi, Majlinda Bregu sjell në vemendje një parashikim që ajo kishte bërë një vit më parë.
Ajo ka postuar në profilin e saj në Facebook intervistën që ka thënë për Mustafa Nanon në Ora News në Nëntor 2014.
Gazetari i shfaq në monitor foton e dyshes Rama-Meta dhe e fton Bregun të komentojë.
Majlinda Bregu shprehet: Rama-Meta, është ai cifti i lumtur që po ecnin përpara. Këtu duket se kemi një çift të palumtur që nuk e di si do të ecin…
Kam përshtyjen që të palumtur ishin që në fillim për të gjykuar njërin apo tjetrin duhet të lexoje Kurbanin e Edi Ramës. Ata kanë krijuar një mazhorancë të makevelizmit politik. Projekti i tyre është për të larë hesapet dhe të dy presin se kush do të gjuajë i pari. Duan të dy të jenë lider. Besoj mandati i bashkëjeteës do të jetë problematik.
Ndërkohë e pyetur për mënyrën se si PD-ja qeverisi me Metën deri në 2013, Bregu thotë: Ishte një lëvizje artificiale që nuk ka funksionuar. PD ka humbur nga LSI, dhe kjo e fundit doli e fituar nga ne.
E pyetur se a ka ndonjë gjë që vlerëson tek Rama dhe Meta veçmas, Mjalinda Bregu shprehet: Tek Rama vlerësoj marketingun që i bën punëve të veta, ose ndryshe mediakracia. Është pjesa më e mirë e tij. Tek Ilir Meta vlerësoj qetësinë, për aq kohë sa kemi punuar bashkë.
